வ.உ.சிதம்பரனாரின் மெய்யறம் 43(2.13) 43. நெடுநீ ரொழித்தல்

மெய்யறம்
இல்வாழ்வியல்

421.நெடுநீர் கால நீள விடுதல்;
நெடுநீர் என்பது ஒரு செயலைச் செய்வதைத் தாமதித்தல்;

மேலும் ஒரு செயலை செய்ய வேண்டிய காலத்துக்கும் அதிகமாகக் காலம் எடுத்துச் செய்தல் ஆகியவை ஆகும்.

கால தாமதம் நமது செயல்களில் பல குறைகளை ஏற்படுத்தும் இயல்பு உடையது.

கால தாமதம் நாளடைவில் ஒரு பழக்கமாக மாறிவிடும்.

மிகுந்த கால தாமதம் அந்தச் செயலையே பயனற்றதாகச் செய்யும்.

கால தாமதம் என்ற குறையை விடுவதற்கு, விட வேண்டும் என்று ஆழமாக எண்ணுதல்;

மேலும் கால தாமதத்தால் வரும் தீமைகளை எண்ணிப்பார்த்தல்;

மேலும் ஒரு செயலை எந்த சமயத்தில் செய்து முடிக்க வேண்டுமோ அந்த சமயத்தில் செய்து முடித்தல் ஆகியவற்றைச் செய்ய வேண்டும்.

வரும் வேலை சிறந்தது என்று ஏற்கனவே வந்த வேலையைச் செய்யாமல் இருக்கக் கூடாது.

ஏற்கனவே வந்த வேலையைச் செய்து முடித்தபின் வரப்போகும் வேலை குறித்து எண்ணுதல் வேண்டும்.

– அறிஞர், செம்மல் வ.உ.சிதம்பரனார்

இலக்கியம் - literature