திருக்குறள் அறுசொல் உரை – 100. பண்பு உடைமை : வெ. அரங்கராசன்



அகரமுதல 150, ஆவணி 19, 2047 / செப்.04,2016

     04 செப்தம்பர் 2016      கருத்திற்காக..
attai_kuralarusolurai

திருக்குறள் அறுசொல் உரை

  1. பொருள் பால்
  2. குடி இயல்
   அதிகாரம் 100. பண்பு உடைமை
 உலகத்தார்  இயல்புகளை   நன்குஅறிந்து
  நலஉணர்வுடன் பழகுதலைப் பெறுதல்

  1. எண்பதத்தால் எய்தல், எளி(து)என்ப, யார்மாட்டும்,
     பண்(பு)உடைமை என்னும் வழக்கு.
        பண்புஉடைமை என்னும் வழக்கம்,
        எளிமையாய்ப் பழகுவதால் வரும்.

  1. அன்(பு)உடைமை, ஆன்ற குடிப்பிறத்தல், இவ்இரண்டும்,
     பண்(பு)உடைமை என்னும் வழக்கு.
        பண்பாளரின் இரண்டு சிறப்புகள்:
        அன்பும், உயர்குடிப் பிறப்பும்.

  1. உறுப்(பு)ஒத்தல், மக்கள்ஒப்(பு) அன்(று)ஆல்; வெறுத்தக்க
     பண்(பு)ஒத்தல், ஒப்ப(து)ஆம் ஒப்பு.
        உறுப்புக்களால் அல்ல; உயரிய
        பண்பால் ஒத்தாரே, நிறைமக்கள்.

  1. நயனொடு, நன்றி புரிந்த பயன்உடையார்,
    பண்புபா ராட்டும் உலகு.
        விருப்புடன் நன்மை செய்து,
        பயன்தருவார் பண்பு, பாராட்டப்படும்.

  1. நகைஉள்ளும், இன்னா(து) இகழ்ச்சி; பகைஉள்ளும்
     பண்(பு)உள பா(டு)அறிவார் மாட்டு.
        வேடிக்கை என்றாலும், இகழாதே;
        பகைவரையும், பண்பார் இகழார்.


  1. பண்(பு)உடையார்ப் பட்(டு)உண்(டு) உலகம்; அதுஇன்றேல்,
     மண்புக்கு மாய்வது மன்.
        பண்பாளிகளால் உலகம் உள்ளது;     
        இல்லை என்றால் அழிந்திருக்கும்.

  1. அரம்போலும் கூர்மையர் ஏனும், மரம்போல்வர்,
     மக்கள்பண்(பு) இல்லா தவர்.
        அரம்போல் கூர்அறிவார் ஆயினும்,
        மரம்போல்வார் மனிதம் இல்லார்.

  1. நண்(பு)ஆற்றார் ஆகி, நயம்இல செய்வார்க்கும்,
     பண்(பு)ஆற்றார் ஆதல் கடை.
        நட்புக் கொள்ளாது, பகைமை
        கொள்வாரொடும் பண்புடன் பழகு.

  1. நகல்வல்லர் அல்லார்க்கு, மாஇரு ஞாலம்,
     பகலும்,பால் பட்(டு)அன்(று) இருள்.
        சிரித்துப் பழகத் தெரியார்க்கு,
        பகலும் இருள்நிறை இரவுதான்.

  1. பண்(பு)இலான் பெற்ற பெரும்செல்வம், நல்பால்
      கலம்தீமை யால்திரிந்(து) அற்று.
        அழுக்குப் பாத்திரப்பால் கெடல்போல்,
        ஒழுக்குஇலான் செல்வமும் கெட்டு,விடும்.

பேரா.வெ.அரங்கராசன்

Comments

Post a Comment

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue

Image
பகுத்தறிவுப் பகலவன் பாவேந்தர் பாரதிதாசன் – கூடலரசன் இலக்குவனார் திருவள்ளுவன்      20 ஏப்பிரல் 2014       கருத்திற்காக..   புரட்சிக் கவிஞர் என்ற பெருஞ் சிறப்புக்குரிய பாவேந்தர் பாரதிதாசன் அவர்கள் தாழ்ந்துபோன தமிழகத்தின் பகுத்தறிவுப் பகலவனாகப் பவனி வந்தார். பழமைச் சமுதாயத்தைப் பாட்டால் பண்படுத்திய பெருமை அவருக்கு மட்டுமே உண்டு. அடிமை வாழ்வினரை புரிய உலகு நோக்கி விரைந்துவர அழைத்தார். அவல வாழ்வினருக்கும் அஞ்சாமைத் திறன் ஊட்டினார். “ இருட்டறையில் உள்ள தடா உலகம் சாதி இருக்கின்றது என்பானும் இருக்கின்றானே – வெருட்டுவது பகுத்தறிவு இலையாயின் விடுதலையும் கெடுதலையும் ஒன்றேயாகும் ” என்று குரல் கொடுத்தபிறகுதான் மருட்டுகின்ற மதத் தலைவரை விரட்டுகின்ற வீரமெல்லாம் தமிழ் மக்களுக்கு வந்தது. பாரதிதாசன்! இந்தப் பெயர் தமிழர் தம் நெஞ்சத்தில் இடம் பெற்ற காலம் (18.8.39) முதல் இந்தி எதிர்ப்புப்போராட்டம் கிளர்ந்தெழுந்த நேரம்! “இந்தி எப்பக்கம் வந்து புகுந்துவிடும் எத்தனை பட்டாளம் கூட்டிவரும் தீங்குள்ள இந்தியை நாம் எதிர்ப்போம். பங்கம் விளைந்திடில் உங்கள் தாய்மொழிக்கே பச்சை இரத்தம் ப
Read more