Friday, February 26, 2016

என் இனிய தமிழ்மொழி – சக்தி சக்திதாசன், இங்கிலாந்து





என் இனிய தமிழ்மொழி – சக்தி சக்திதாசன், இங்கிலாந்து

தலைப்பு-தமிழ் - thalaippu_inimaimozhi,thamizh

என்னைத் தாலாட்டிய மொழி
எனதருமைத் தாய் மொழி
என் இனிய தமிழ் மொழி
எண்ணமெல்லாம் நிறைந்த மொழி
என்னை நான் தொலைத்த போது
என்னுள்ளே புதைந்த போது
எண்ணெய் ஆக மிதந்து என்
எண்ணங்களை ஒளிரச் செய்த மொழி
இதயத்தின் நாளங்கள் முகாரி மீட்டினாலும்
இனிமையான கல்யாணப் பண் பாடினாலும்
இதயத்தின் வலி மறக்க உதவும் மருந்தாய்
இனிய என் தாய் மொழி என்றும் என்னுடனே
முகமிழந்து போனாலும் இக்கொடிய உலகில்
முதுமையில் வீழ்ந்து அமிழ்ந்து போனாலும்
முகவரி இழக்காது இலக்கிய உலகில்
முத்தாக மிளிரச் செய்யும் இனிய மொழி
மங்காப்புகழ்ச் சங்கப் புலவர்களும்
அறநெறி தந்த ஆசான்களும்
புரட்சி முழங்கிய கவிஞர்களும்
கருத்தில் சிறந்த கவியரசர்களும்
எப்போதும் அணைத்துக் கொண்ட மொழி
எப்பொழுதும் கவிபாடிக் களித்த மொழி
என்னுடல் கருகிச் சம்பலாகினாலும்
என் சம்பலோடு பூத்து கமழ்ந்திருக்கும் தமிழ் மொழி
சக்தி சக்திதாசன், இங்கிலாந்து - sakthidasan,england
-சக்தி சக்திதாசன், இங்கிலாந்து
முத்திரை,வார்ப்பு - muthirai_vaarppu_logo

Thursday, February 25, 2016

பகுத்தறிவுக் களஞ்சியம் சிவகங்கை இராமச்சந்திரனார் – ப.சீவானந்தம்




பகுத்தறிவுக் களஞ்சியம் சிவகங்கை இராமச்சந்திரனார் – ப.சீவானந்தம்

சிவகங்கை இராமச்சந்திரனார்:sivagangai_ramachanthiranar
காலத்தை வென்ற பகுத்தறிவுக் களஞ்சியமே!
சிவகங்கை தந்த இராமச்சந்திரப் புதையலே உனக்கு
இன்று காணுகின்ற நினைவுநாள் நான்கு!
கேடுதரும் பழைமையை நீக்கி விட
மேடுபள்ளம் பாராது சுற்றிய செம்மலே!
சமூகநீதி நிலைத்திடவும்
சமதருமம் தழைத்திடவும்
பொதுவுடைமை வளர்ந்திடவும்
மனிதநேயம் மலர்ந்திடவும்
இன உணர்வு வளரவும் வாழ்ந்தவரே!
நீ பம்பரமாய்ச் சுழன்று, உன்
உடல் நலத்தையும் பாராமல்
மருதுபாண்டியரைத் தூக்கிலிட்ட திருப்பத்தூரில்
மிசன் மருத்துவமனை சிகிச்சைப் பெறும்போது
ஈரக் கண்களோடு அமர்ந்திருந்தேன்!
நீ சாகும் தறுவாயில் சிந்திய  நெறிகள்
உன் உள்ளத்தை ஆழமாகத் தொட்டன
சுயமரியாதைச் சுடரொளிக்குச்
சாவே இல்லை அந்தத் தீப்பந்தங்கள்
வழித்தோன்றல் மூலம் தொடரும்!
Jeevanandham01-seevanantham
தோழர்சீவா
தாமரை , 26.02.1937
கொடைக்கானல் காந்தியின்
சிவகங்கை இராமச்சந்திரனார்,
பக்கம் 279

எங்கள் தமிழ் மொழிக்கு ஈடேது மில்லை! – பிரகாசம்




எங்கள் தமிழ் மொழிக்கு ஈடேது மில்லை! – பிரகாசம்

தலைப்பு-தமிழ் : thalaippu_thamizh
எல்லை யென்பதில்லை எங்கள் தமிழ்
மொழிக்கு ஈடேது மில்லை- எங்கள்
தமிழ்மொழி போன்றொரு தாயு மில்லை
தமிழ்மொழி போன்றொரு தந்தையு மமில்லை
தமிழ்மொழி போன்றொரு அறிவொளியு மில்லை
தமிழ்மொழி போன்றொரு இலக்கியமு மில்லை
தமிழ்மொழி போன்றொரு வளமு மில்லை
தமிழ்மொழி போன்றொரு முதுமை யில்லை
தமிழ்மொழி போன்றொரு புதுமை யில்லை
தமிழ்மொழி போன்றொரு வண்மை யில்லை
தமிழ்மொழி யேநாளும் ஆளும் அச்சமில்லை
தமிழ்மொழியை போற்றுவோம் தயக்கமு மில்லை.
முத்திரை-சிறகு :muthirai_chiraku_siragu