Skip to main content

திருக்குறள் அறுசொல் உரை – 085. புல்அறிவு ஆண்மை: வெ. அரங்கராசன்

(அதிகாரம் 084. பேதைமை தொடர்ச்சி)

attai_kuralarusolurai03

02. பொருள் பால்
12. துன்ப இயல்
அதிகாரம்  085. புல்அறிவு ஆண்மை   

பேர்அறிஞர் என்று காட்டுதற்குக்
கீழ்அறிவைக் கைஆளும் அறியாமை
  1. அறி(வு)இன்மை, இன்மையுள் இன்மை; பிறி(து)இன்மை,
     இன்மைஆ வையா(து) உலகு.


   அறிவு இல்லாமையே, வறுமை;
       பிறஎலாம், வறுமைகள் அல்ல.

  1. அறி(வு)இலான் நெஞ்(சு)உவந்(து) ஈதல், பிறிதுயாதும்
   இல்லை, பெறுவான் தவம்.

     அறியான் மனம்மகிழ்ந்து தருதல்,
       பெறுவான் செய்த தவத்தால்தான்.

  1. அறி(வு)இலார், தாம்தம்மைப் பீழிக்கும் பீழை,
   செறுவார்க்கும் ஆற்றல் அரிது.

     அறிவிலி செய்துகொள்ளும் துன்பம்போல்,
       பகைவர்க்கும் செய்தல் முடியாது.

  1. வெண்மை எனப்படுவ(து) யா(து)…?எனின், “ஒண்மை
   உடையம்யாம்” என்னும் செருக்கு.
     “பேரறிவு பெற்றுளோம்” என்னும்
       ஆணவமே, அறியாமை ஆகும்.
  1. கல்லாத மேற்கொண்டு ஒழுகல், கச(டு)அற
   வல்லதூஉம் ஐயம் தரும்.
     கல்லாததைக் கற்றதுபோல் காட்டினால்,
       கற்றதிலும் ஐயமே கொள்வார்.

  1. அற்றம் மறைத்தலோ புல்அறிவு, தம்வயின்
     குற்றம் மறையா வழி.
     குற்றத்தை நீக்காமல், மானத்தை
       மறைக்க உடுத்தல், இழிஅறிவு.

  1. அருமறை சோரும் அறி(வு)இலான், செய்யும்
   பெருமிறை, தானே தனக்கு.
    மறைவுச் செய்திகளை வெளியிடுவான்,
       தனக்குத் தானே துன்பம்தான்.

  1. ஏவவும் செய்கலான், தான்தேறான், அவ்உயிர்
   போஒம் அளவும்ஓர் நோய்.

     ஏவினாலும் செய்யான், தானும்
       அறியான், சாகும்வரை நோய்தான்.

  1. காணாதான் காட்டுவான் தான்காணான்; காணாதான்
 கண்டானாம், தான்கண்ட வாறு.
     அறியானுக்கு அறிவித்தாலும், தனது
     கீழறிவே மேலறிவு என்பான்
  1. உலகத்தார்  “உண்(டு)”என்பது, “இல்”என்பான், வையத்(து)
   அலகைஆ வைக்கப் படும்.
“உண்டு”என்பதை, ”இல்லை” என்பானை,
       உலகத்தார் பேயாகவே மதிப்பார்.
பேராசிரியர் வெ. அரங்கராசன்

Comments

Post a Comment

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue

Image
பகுத்தறிவுப் பகலவன் பாவேந்தர் பாரதிதாசன் – கூடலரசன் இலக்குவனார் திருவள்ளுவன்      20 ஏப்பிரல் 2014       கருத்திற்காக..   புரட்சிக் கவிஞர் என்ற பெருஞ் சிறப்புக்குரிய பாவேந்தர் பாரதிதாசன் அவர்கள் தாழ்ந்துபோன தமிழகத்தின் பகுத்தறிவுப் பகலவனாகப் பவனி வந்தார். பழமைச் சமுதாயத்தைப் பாட்டால் பண்படுத்திய பெருமை அவருக்கு மட்டுமே உண்டு. அடிமை வாழ்வினரை புரிய உலகு நோக்கி விரைந்துவர அழைத்தார். அவல வாழ்வினருக்கும் அஞ்சாமைத் திறன் ஊட்டினார். “ இருட்டறையில் உள்ள தடா உலகம் சாதி இருக்கின்றது என்பானும் இருக்கின்றானே – வெருட்டுவது பகுத்தறிவு இலையாயின் விடுதலையும் கெடுதலையும் ஒன்றேயாகும் ” என்று குரல் கொடுத்தபிறகுதான் மருட்டுகின்ற மதத் தலைவரை விரட்டுகின்ற வீரமெல்லாம் தமிழ் மக்களுக்கு வந்தது. பாரதிதாசன்! இந்தப் பெயர் தமிழர் தம் நெஞ்சத்தில் இடம் பெற்ற காலம் (18.8.39) முதல் இந்தி எதிர்ப்புப்போராட்டம் கிளர்ந்தெழுந்த நேரம்! “இந்தி எப்பக்கம் வந்து புகுந்துவிடும் எத்தனை பட்டாளம் கூட்டிவரும் தீங்குள்ள இந்தியை நாம் எதிர்ப்போம். பங்கம் விளைந்திடில் உங்கள் தாய்மொழிக்கே பச்சை இரத்தம் ப
Read more