Skip to main content

திருக்குறள் அறுசொல் உரை –076. பொருள் செயல் வகை : வெ. அரங்கராசன்


     25 அக்தோபர் 2015      கருத்திற்காக..
attai-kuralarusolurai

02. பொருள் பால்    
09. பொருள் இயல் (கூழ் இயல்)
அதிகாரம் 076. பொருள் செயல் வகை.

செல்வத்தின் தன்மை, தேவை,
சிறப்பு, திரட்டும் வழிமுறைகள்.

  1. பொருள்அல் லவரைப், பொருள்ஆகச் செய்யும்
   பொருள்அல்ல(து), இல்லை பொருள்.

மதிப்பு இல்லாரையும், மதிப்பு
உள்ளாராக மாற்றுவது செல்வமே.

  1. இல்லாரை, எல்லாரும் எள்ளுவர்; செல்வரை,
   எல்லாரும் செய்வர் சிறப்பு.
          
செல்வம் இல்லாரை, எல்லாரும்
இகழ்வார்; உள்ளாரைச் சிறப்பிப்பார்.

  1. பொருள்என்னும் பொய்யா விளக்கம், இருள்அறுக்கும்
   எண்ணிய தேயத்துச் சென்று.  

செல்வம்எனும் நிலைவிளக்கு எங்கும்
செல்லும்; ஏழ்மைஇருளைக் கொல்லும்.

  1. அறம்ஈனும், இன்பமும் ஈனும், திறன்அறிந்து
   தீ(து)இன்றி, வந்த பொருள்.    

          தீதுஇலாது வருசெல்வம், அறவாழ்வும்,
தீரா இன்பமும் தரும்.

  1. அருளொடும், அன்பொடும், வாராப் பொருள்ஆக்கம்
   புல்லார்; புரள விடல்.
அருள்,அன்பு பொருந்தாது வரும்பொருள்
பெருக்கைப், பொருந்தாது விடு.

  1. உறுபொருளும், உல்கு பொருளும்,தன் ஒன்னார்த்
     தெறுபொருளும், வேந்தன் பொருள்.

வரிப்பொருளும், சுங்கமும், பகைவர்வழிப்
பொருளும் அரசுப் பொருள்.

  1. அருள்என்னும் அன்(பு)ஈன் குழவி, பொருள்என்னும்
   செல்வச் செவிலியால் உண்டு.   

அன்புத்தாயின் அருட்குழந்தை, செல்வம்எனும்
வளர்ப்புத் தாயால் வளரும்.

  1. குன்(று)ஏறி, யானைப்போர் கண்(டு)அற்(று)ஆல், தன்,கைத்(து)ஒன்(று)
   உண்டாகச் செய்வான் வினை.
கைப்பொருள் கொண்டு செயல்செய்தல்,
குன்றுஏறி, யானைப்போர் காணல்போல்.

  1. செய்க பொருளைச், செறுநர் செருக்(கு)அறுக்கும்
   எஃ(கு),அதனில் கூரிய(து) இல்.

பகைவர்தம் ஆணவத்தை அழிக்கும்
கருவிஆம், செல்வத்தைப், பெருக்கு.

  1. ஒண்பொருள் காழ்ப்ப இயற்றியார்க்(கு), எண்பொருள்
   ஏனை இரண்டும் ஒருங்கு. 

அறவழி வருநிறை பொருளே,
அறமும், இன்பமும் நிரப்பும்.
பேராசிரியர் வெ. அரங்கராசன்
(அதிகாரம் 077. படை மாட்சி)


(அகரமுதல 103 ஐப்பசி 15, 2046 / நவ. 01.2015)

Comments

Post a Comment

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue

Image
பகுத்தறிவுப் பகலவன் பாவேந்தர் பாரதிதாசன் – கூடலரசன் இலக்குவனார் திருவள்ளுவன்      20 ஏப்பிரல் 2014       கருத்திற்காக..   புரட்சிக் கவிஞர் என்ற பெருஞ் சிறப்புக்குரிய பாவேந்தர் பாரதிதாசன் அவர்கள் தாழ்ந்துபோன தமிழகத்தின் பகுத்தறிவுப் பகலவனாகப் பவனி வந்தார். பழமைச் சமுதாயத்தைப் பாட்டால் பண்படுத்திய பெருமை அவருக்கு மட்டுமே உண்டு. அடிமை வாழ்வினரை புரிய உலகு நோக்கி விரைந்துவர அழைத்தார். அவல வாழ்வினருக்கும் அஞ்சாமைத் திறன் ஊட்டினார். “ இருட்டறையில் உள்ள தடா உலகம் சாதி இருக்கின்றது என்பானும் இருக்கின்றானே – வெருட்டுவது பகுத்தறிவு இலையாயின் விடுதலையும் கெடுதலையும் ஒன்றேயாகும் ” என்று குரல் கொடுத்தபிறகுதான் மருட்டுகின்ற மதத் தலைவரை விரட்டுகின்ற வீரமெல்லாம் தமிழ் மக்களுக்கு வந்தது. பாரதிதாசன்! இந்தப் பெயர் தமிழர் தம் நெஞ்சத்தில் இடம் பெற்ற காலம் (18.8.39) முதல் இந்தி எதிர்ப்புப்போராட்டம் கிளர்ந்தெழுந்த நேரம்! “இந்தி எப்பக்கம் வந்து புகுந்துவிடும் எத்தனை பட்டாளம் கூட்டிவரும் தீங்குள்ள இந்தியை நாம் எதிர்ப்போம். பங்கம் விளைந்திடில் உங்கள் தாய்மொழிக்கே பச்சை இரத்தம் ப
Read more