Skip to main content

திருக்குறள் அறுசொல் உரை – வெ. அரங்கராசன்: 018. வெஃகாமை




     16 August 2015      No Comment
arusolurai_munattai01

01அறத்துப் பால்

02.இல்லற இயல்

அதிகாரம் 018. வெஃகாமை


எந்தக் காரணத்தாலும் பிறரது
பொருள்களைப் பறிக்க விரும்பாமை.

  1. நடு(வு)இன்றி நல்பொருள் வெஃகின், குடிபொன்றிக்,
     குற்றமும் ஆங்கே தரும்.

       பிறரது பொருளைப் பறிக்க
       விரும்பின், குடிகெடும்; குற்றம்மிகும்.

  1. படுபயன் வெஃகிப், பழிப்படுவ செய்யார்,
     நடுஅன்மை நாணு பவர்

        வருபயன் விரும்பிப், பழிப்புச்
       செயல்களை நடுநிலையார் செய்யார்.

  1. சிற்றின்பம் வெஃகி, அறன்அல்ல செய்யாரே,
     மற்(று)இன்பம் வேண்டு பவர்.

       பேரின்பம் விரும்புவார், அறன்மறந்து
       சிற்றின்பச் செயல்களைச் செய்யார்.

  1. “இலம்”என்று, வெஃகுதல் செய்யார், புலம்வென்ற
     புன்மைஇல் காட்சி யவர்.

       ஐந்து புலன்களையும் வென்றார்,
       ஏழ்மையிலும் பிறர்பொருளை விரும்பார்.

  1. அஃகி அகன்ற அறி(வு),என்ஆம்? யார்மாட்டும்,
     வெஃகி வெறிய செயின்.

       கூர்அறிவார், பிறரது பொருள்களை
       விரும்பும் வெறிச்செயல் செய்யார்.

  1. அருள்வெஃகி, ஆற்றின்கண் நின்றான், பொருள்வெஃகிப்,
     பொல்லாமை சூழக் கெடும்.

       பிறரது பொருள்களைப் பறிக்க
       விரும்பும் அருளாளனும், கெடுவான்.

  1. வேண்டற்க, வெஃகிஆம் ஆக்கம், விளைவயின்,
     மாண்டற்(கு) அரி(து)ஆம், பயன்.

       பின்விளை பயன்கள் இழிவாதலின்
       பிறர்தம் பொருள்களை விரும்பாதே.  

  1. அஃகாமை, செல்வத்திற்(கு) யாது?எனின், வெஃகாமை
     வேண்டும், பிறன்கைப் பொருள்.

       குறையாத செல்வத்தை விரும்பின்,
       பிறரது செல்வத்தை விரும்பாதே.

  1. அறன்அறிந்து, வெஃகா அறி(வு)உடையார்ச் சேரும்,
     திறன்அறிந்(து), ஆங்கே திரு.

       பிறரது பொருள்களை விரும்பா
       அறத்தாரிடமே செல்வமும் சேரும்.  

  1. இறல்ஈனும், எண்ணாது வெஃகின்; விறல்ஈனும்,
     வேண்டாமை என்னும் செருக்கு.

      பிறரது பொருள்மேல் விருப்பம்,
       அழிவு; விரும்பாமை, பெருவெற்றி.
 – பேராசிரியர் வெ. அரங்கராசன்
பேரா.வெ.அரங்கராசன்


(அதிகாரம் 019. புறம் கூறாமை)




அகரமுதல 92 ஆடி 31, 2046 / ஆக.16, 2015

Comments

Post a Comment

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue

Image
பகுத்தறிவுப் பகலவன் பாவேந்தர் பாரதிதாசன் – கூடலரசன் இலக்குவனார் திருவள்ளுவன்      20 ஏப்பிரல் 2014       கருத்திற்காக..   புரட்சிக் கவிஞர் என்ற பெருஞ் சிறப்புக்குரிய பாவேந்தர் பாரதிதாசன் அவர்கள் தாழ்ந்துபோன தமிழகத்தின் பகுத்தறிவுப் பகலவனாகப் பவனி வந்தார். பழமைச் சமுதாயத்தைப் பாட்டால் பண்படுத்திய பெருமை அவருக்கு மட்டுமே உண்டு. அடிமை வாழ்வினரை புரிய உலகு நோக்கி விரைந்துவர அழைத்தார். அவல வாழ்வினருக்கும் அஞ்சாமைத் திறன் ஊட்டினார். “ இருட்டறையில் உள்ள தடா உலகம் சாதி இருக்கின்றது என்பானும் இருக்கின்றானே – வெருட்டுவது பகுத்தறிவு இலையாயின் விடுதலையும் கெடுதலையும் ஒன்றேயாகும் ” என்று குரல் கொடுத்தபிறகுதான் மருட்டுகின்ற மதத் தலைவரை விரட்டுகின்ற வீரமெல்லாம் தமிழ் மக்களுக்கு வந்தது. பாரதிதாசன்! இந்தப் பெயர் தமிழர் தம் நெஞ்சத்தில் இடம் பெற்ற காலம் (18.8.39) முதல் இந்தி எதிர்ப்புப்போராட்டம் கிளர்ந்தெழுந்த நேரம்! “இந்தி எப்பக்கம் வந்து புகுந்துவிடும் எத்தனை பட்டாளம் கூட்டிவரும் தீங்குள்ள இந்தியை நாம் எதிர்ப்போம். பங்கம் விளைந்திடில் உங்கள் தாய்மொழிக்கே பச்சை இரத்தம் ப
Read more