திருக்குறள் அறுசொல் உரை – வெ. அரங்கராசன்: 013. அடக்கம் உடைமை
01.அறத்துப் பால்
02.இல்லற இயல்
அதிகாரம் 013. அடக்கம் உடைமை
ஐந்து புலன்களையும் அடக்கி,
முந்து நல்வழியில் நடத்தல்.
- அடக்கம், அமர்அருள் உய்க்கும்; அடங்காமை,
அடக்கம், அருளுக்குள் அமர்த்தும்;
அடங்காமை, இருளுக்குள் செலுத்தும்.
- காக்க பொருளாக, அடக்கத்தை; ஆக்கம்,
உயிருக்கும், நலந்தரும் அடக்கத்தை,
உயரிய பொருளாய்க் காக்க.
- செறி(வு)அறிந்து, சீர்மை பயக்கும், அறி(வு)அறிந்(து),
அறிவால் சிந்திக்க வருகின்ற
நிறைவான அடக்கமே, சிறப்பு.
- நிலையில் திரியா(து), அடங்கியான் தோற்றம்,
நிலைதிரியாது, அடங்கியான் உயர்வு,
மலையைக் காட்டிலும் உயர்வு.
- எல்லார்க்கும், நன்(று)ஆம் பணிதல்; அவர்உள்ளும்,
பணிதல், எல்லார்க்குமே நல்லதுதான்;
செல்வர்க்கோ, மற்றும்ஓர் செல்வம்.
- ஒருமையுள், ஆமைபோல் ஐந்(து)அடக்கல் ஆற்றின்,
ஆமைபோல், ஐந்து புலன்களை
அடக்கினால், எப்பிறப்பிலும் பாதுகாப்பே.
- யா,காவார் ஆயினும், நா,காக்க; காவாக்கால்,
நாஅடக்கம் இல்லான், சொல்குற்றத்திற்[கு]
ஆளாவான்; துன்பத்தையும் ஆள்வான்.
- ஒன்றானும் தீச்சொல், பொருள்பயன் உண்டாயின்,
ஒரேஒரு தீச்சொல்கூட, நல்லதையும்,
கெட்டதாய் மாற்றும்; கெடுக்கும்.
- தீயினால் சுட்டபுண், உள்ஆறும்; ஆறாதே,
தீயினால் சுட்டபுண், உள்ஆறும்;
நாவினால் சுட்டபுண், ஆறாது.
- கதம்காத்துக், கற்(று),அடங்கல் ஆற்றுவான் செவ்வி,
சினம்நீக்கிக், கற்று, அடங்கியானை
அடைய, அறமே வழிபார்க்கும்.
– பேராசிரியர் வெ. அரங்கராசன்
Comments
Post a Comment