Skip to main content

திருக்குறள் அறுசொல் உரை – வெ. அரங்கராசன்: 006. வாழ்க்கைத் துணை நலம்


     26 July 2015      No Comment



001 அறத்துப் பால்           
002 இல்லற இயல்
அதிகாரம்     006. வாழ்க்கைத் துணை நலம்

     கணவர், மனைவியரது நல்பண்புகளும்,
இணைஇலாப் பெண்ணின் பெருமைகளும்.  

  1. மனைத்தக்க மாண்(பு)உடையள் ஆகித்,தன் கொண்டான்
   வளத்தக்காள், வாழ்க்கைத் துணை.

       மனைஅறத்தாள், கணவற்கு வளம்தரு
       தகுதியள்; நலம்சார் துணை.

  1. மனைமாட்சி இல்லாள்கண் இல்ஆயின், வாழ்க்கை,
     எனைமாட்சித்(து) ஆயினும் இல்.

       இல்லப்பண்பு இல்லாளிடம் இல்எனின்,
       மற்ற சிறப்புகளால் பயன்இல்.

  1. இல்ல(து)என்? இல்லவள் மாண்(பு)ஆனால்; உள்ள(து)என்?
   இல்லவள் மாணாக் கடை.

       சிறப்[பு]உள்ள இல்லாளால், இல்ல[து]என்?;
       சிறப்[பு]இல்லா அவளால், உள்ள[து]என்?.    

  1. பெண்ணின் பெரும்தக்க யாஉள? கற்(பு)என்னும்,
   திண்மை உண்டாகப் பெறின்.

       திண்மைக் கற்பின் பெண்மையைவிடப்,
       பெருமை தகுதியது வே[று]எது?  

  1. தெய்வம் தொழாஅள், கொழுநன் தொழு(து)எழுவாள்,
   ”பெய்”எனப், பெய்யும் மழை.

       கணவனை மதிப்பவள்  “பெய்”எனப்,
       பெய்யும் பருவமழை போன்றவள்.    

56. தன்காத்துத், தன்கொண்டான் பேணித், தகைசான்ற
     சொல்காத்துச், சோர்(வு)இலாள், பெண்.

         தன்காத்தலில், கணவனைப் பேணலில்,
   சொல்காத்தலில், சோர்[வு]இலாள், பெண்.

  1. சிறைகாக்கும் காப்(பு)எவன் செய்யும்….? மகளிர்,
நிறைகாக்கும் காப்பே தலை.

         மகளிர், தாமேதம் கற்பைக்,
   காக்கும் காப்பே, தலையானது.

  1. பெற்றால், பெறின்பெறுவர் பெண்டிர், பெரும்சிறப்புப்
    புத்தேளிர் வாழும் உலகு.

        துணைநலக் கணவரைப் பெறுமகளிர்,
       தேவர் உலகு போவர்.

  1. புகழ்புரிந்த இல்இல்லோர்க்(கு) இல்லை, இகழ்வார்முன்,
   ஏறுபோல் பீடு நடை.

         புகழ்செய்யும் இல்லாளை இல்லான்,
   பெருமித நடையும் இல்லான்.

  1. மங்கலம் என்ப, மனைமாட்சி; மற்(று)அதன்
     நல்கலம், நல்மக்கள் பேறு.

                  மங்கலம், மனைஅழகு; அதனது
                   அணிகலம், நல்மக்கள் பேறு.
 – பேராசிரியர் வெ. அரங்கராசன்
அகரமுதல 89,ஆடி 10, 2046 / சூலை 26, 2015
 

Comments

Post a Comment

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue

Image
பகுத்தறிவுப் பகலவன் பாவேந்தர் பாரதிதாசன் – கூடலரசன் இலக்குவனார் திருவள்ளுவன்      20 ஏப்பிரல் 2014       கருத்திற்காக..   புரட்சிக் கவிஞர் என்ற பெருஞ் சிறப்புக்குரிய பாவேந்தர் பாரதிதாசன் அவர்கள் தாழ்ந்துபோன தமிழகத்தின் பகுத்தறிவுப் பகலவனாகப் பவனி வந்தார். பழமைச் சமுதாயத்தைப் பாட்டால் பண்படுத்திய பெருமை அவருக்கு மட்டுமே உண்டு. அடிமை வாழ்வினரை புரிய உலகு நோக்கி விரைந்துவர அழைத்தார். அவல வாழ்வினருக்கும் அஞ்சாமைத் திறன் ஊட்டினார். “ இருட்டறையில் உள்ள தடா உலகம் சாதி இருக்கின்றது என்பானும் இருக்கின்றானே – வெருட்டுவது பகுத்தறிவு இலையாயின் விடுதலையும் கெடுதலையும் ஒன்றேயாகும் ” என்று குரல் கொடுத்தபிறகுதான் மருட்டுகின்ற மதத் தலைவரை விரட்டுகின்ற வீரமெல்லாம் தமிழ் மக்களுக்கு வந்தது. பாரதிதாசன்! இந்தப் பெயர் தமிழர் தம் நெஞ்சத்தில் இடம் பெற்ற காலம் (18.8.39) முதல் இந்தி எதிர்ப்புப்போராட்டம் கிளர்ந்தெழுந்த நேரம்! “இந்தி எப்பக்கம் வந்து புகுந்துவிடும் எத்தனை பட்டாளம் கூட்டிவரும் தீங்குள்ள இந்தியை நாம் எதிர்ப்போம். பங்கம் விளைந்திடில் உங்கள் தாய்மொழிக்கே பச்சை இரத்தம் ப
Read more