நடிப்புத்தலைவர்கள் – பேராசிரியர் அறிவரசன்

     22 March 2015      No Comment

Arivarasan01

துள்ளி எழுக தோழர்களே!

பாங்குடன் தமிழை வளர்ப்பதற்குப்
பலவும் செய்வோம் என்பார்கள்;
ஆங்கில மொழியை வளர்ப்பதற்கே
அனைத்தும் செய்து முடிப்பார்கள்!
வடமொழி யதனை வழிபாட்டில்
வாழ்க்கைத் துணைநல மணவீட்டில்
இடம்பெறச் செய்தபின் வடமொழியை
எதிர்க்கிறோம் என்றும் சொல்வார்கள்!
சாதியை மதத்தை மேடைகளில்
சாடித் தமிழர்நாம் என்பார்கள்;
வீதியில் வீட்டில் சாதிமத
வேற்றுமை பேணி வளர்ப்பார்கள்!
ஈழத் தமிழர் எமக்கென்றும்
இசைந்த தொப்புள் உறவென்பார்;
வாழத் துடிக்கும் உறவுகளை
மறந்து மினுக்கித் திரிவார்கள்!
ஈழமண் விடுதலை பெறவேண்டும்
என்றே எகிறிக் குதிப்பார்கள்;
பாழும் அடிமைத் தமிழ்நாட்டில்
பம்மிப் பதுங்கிக் கிடப்பார்கள்!
உடைமை தருவோம் என்பார்கள்;
உயிரையும் தருவோம் என்பார்கள்;
கடமை மறந்து ஒருநாளில்
கரவாய் ஒதுங்கிக் கொள்வார்கள்!
பகைமேல் புலிபோல பாய்ந்திடுவோம்
பாரீர் நாளை என்பார்கள்;
வகையாய் வளைக்குள் எலிபோலே
மறைவார் எல்லாம் வாய்ப்பேச்சே!
மலையைச் சாய்ப்போம் எனமுழங்கி
மயிரைச் சாய்த்து நிற்பார்கள்;
தலைவர் பதவியைத் தக்க வைக்கத்
தகிடுதத்தம் செய்வார்கள்!
இனநலம் பேசி இளையோரே
எம்முடன் வருக என்பார்கள்;
பணமும் பதவியும் பெறுவதற்கே
பலவாறாக நடிப்பார்கள்!
நடிப்புத் தலைவர்கள் எவர்என்றே
நற்றமிழ் இளையரே அறிந்திடுக;
துடிப்புடன் உரிமை மீட்பதற்கே
துள்ளி எழுக தோழர்களே!
leaders01
தரவு : அருட்செல்வன்


அகரமுதல 71: பங்குனி 8, 2046 / மார்ச்சு 22,2015

Comments

Post a Comment

Popular posts from this blog

பல்துறையில் பசுந்தமிழ் : அறிவியல்தமிழ் 3/8 – கருமலைத்தமிழாழன்

Image
அகரமுதல 18 9, வைகாசி 21, 2048 / சூன் 04 , 2017 இலக்குவனார் திருவள்ளுவன்      04 சூன் 2017       கருத்திற்காக.. (பல்துறையில் பசுந்தமிழ் : அறிவியல்தமிழ் 2/8 –‌ தொடர்ச்சி) பல்துறையில் பசுந்தமிழ் : அறிவியல்தமிழ் 3/8 கவியரங்கக்கவிதை மயில்பொறியை   வானத்தில்   பறக்க   வைத்தோம் மணிபல்லத்   தீவிற்குப்   பறந்து   சென்றோம் குயில்மொழியாள்   கண்ணகியை   அழைத்துச்   செல்லக் குன்றுக்கு   வானஊர்தி   வந்த   தென்றே ‘ உயில் ‘போன்று   நம்முன்னோர்   எழுதி   வைத்த உண்மைகளை   அறிவியலின்   அற்பு  தத்தை பயில்கின்ற   காப்பியத்தில்   படித்த   தெல்லாம் பார்தன்னில்   நனவாகக்   காணு  கின்றோம் ! அணுப்பிளந்த    செய்திதனை   ஔவை   சொன்னால் அவிழ்த்துவிட்ட    புளுகுமூட்டை   என்று   ரைத்தார் அணுக்குண்டைப்    பொக்ரானில்    வெடித்த   போதோ அருந்தமிழன்   அறிவுதனைப்   போற்றி   நின்றார் ! முணுமுணுத்தார்   அம்புமுனை   நெருப்பைக்   கக்கி முன்னேறிச்   சென்றதினைப்   பொய்யே   என்றார் முணுமுணுத்த   வாய்பிளந்தே   இசுகட்   என்று முகிழ்த்தஏவு    கணைகண்டு
Read more

பகுத்தறிவுப் பகலவன் பாவேந்தர் பாரதிதாசன் – கூடலரசன் bharathidasan spl.issue

Image
பகுத்தறிவுப் பகலவன் பாவேந்தர் பாரதிதாசன் – கூடலரசன் இலக்குவனார் திருவள்ளுவன்      20 ஏப்பிரல் 2014       கருத்திற்காக..   புரட்சிக் கவிஞர் என்ற பெருஞ் சிறப்புக்குரிய பாவேந்தர் பாரதிதாசன் அவர்கள் தாழ்ந்துபோன தமிழகத்தின் பகுத்தறிவுப் பகலவனாகப் பவனி வந்தார். பழமைச் சமுதாயத்தைப் பாட்டால் பண்படுத்திய பெருமை அவருக்கு மட்டுமே உண்டு. அடிமை வாழ்வினரை புரிய உலகு நோக்கி விரைந்துவர அழைத்தார். அவல வாழ்வினருக்கும் அஞ்சாமைத் திறன் ஊட்டினார். “ இருட்டறையில் உள்ள தடா உலகம் சாதி இருக்கின்றது என்பானும் இருக்கின்றானே – வெருட்டுவது பகுத்தறிவு இலையாயின் விடுதலையும் கெடுதலையும் ஒன்றேயாகும் ” என்று குரல் கொடுத்தபிறகுதான் மருட்டுகின்ற மதத் தலைவரை விரட்டுகின்ற வீரமெல்லாம் தமிழ் மக்களுக்கு வந்தது. பாரதிதாசன்! இந்தப் பெயர் தமிழர் தம் நெஞ்சத்தில் இடம் பெற்ற காலம் (18.8.39) முதல் இந்தி எதிர்ப்புப்போராட்டம் கிளர்ந்தெழுந்த நேரம்! “இந்தி எப்பக்கம் வந்து புகுந்துவிடும் எத்தனை பட்டாளம் கூட்டிவரும் தீங்குள்ள இந்தியை நாம் எதிர்ப்போம். பங்கம் விளைந்திடில் உங்கள் தாய்மொழிக்கே பச்சை இரத்தம் ப
Read more